türk – amérikan soda – sanaetchiliri baydinni türk dunyasining sezgürlükini nezerde tutushqa chaqirdi

türkiye awazi radiyosi xewiri: türk – amérikan soda – sanaetchiler jemiyiti bayanat élan qilip, türkiye bilen amérikaning istratégiyelik hemkarliqining rayon we dunyadiki muhim tengpungluq amili ikenlikige isharet qilghan halda: «1915- yili yüz bergen köngülsiz weqelerni, eyni dewrning sharaitigha asasen muhakime qilishni qayrip qoyup, uni türkiyege bésim ishlitish wasitisigha aylandurush urunushliri ijabiy munasiwetlirimizge kölengge chüshürmekte» dégenlerni qeyt qildi.

bayanatta: «biz hakimiyet béshigha chiqqan kündin bashlap dunya bilen berpachi alaqe ornitishqa tirishiwatqan amérika pirézidénti jo baydin we uning hökümitining, 1915 – yil weqeliri toghrisida türk dunyasiningmu sezgürlükini oylashqan halda aqilane pozitsiye bildürüshini ümid qilimiz» dégen ibarilerge orun bérildi.

bayanatta yene, türk – amérikan soda – sanaetchiler jemiyitining peqet türk soda – sanaetchilirining amérikadiki mewjutluqi emes, amérika soda dunyasining türkiyediki mewjutluqining dawamlishishi we güllinishi jehettimu mesuliyetni üstige élip kéliwatqanliqi eskertilip: «türkiye bilen amérikaning istratégiyelik hemkarliq sewiyesidiki soda munasiwitining tereqqiy qildurulushini, tarixchilar bes – munazire qilishi kérek bolghan mesililerning ikki dost döletning siyasiy, soda we hemmidin muhimi dostluq munasiwitimizge passip tesir körsitidighan bir rétorik qollinilmasliqini ümid qilimiz» déyildi.