sabiq pirézidént tramp amérikaning afghanistandin chékinish qararini maxtidi
amérikaning sabiq pirézidénti donald tramp jo baydin hökümitining amérika eskerlirini afghanistandin chékindürüsh qararigha «qaltis we ijabiy» dep baha berdi.
türkiye awazi radiyosi xewiri: sabiq pirézidént donald tramp amérika eskerlirining afghanistandin chékinish musapisi toghrisida yazma bayanat élan qildi.
u bayanatida: «afghanistandin chiqish qaltis we ijabiy ish. men 1-mayda chékinishni pilan qilghan idim. imkaniyetning bériche, mezkur musapini bu waqitqa yéqin halda emelge ashurushimiz kérek» dédi.
tramp chékinish musapisi üchün belgilengen 11-séntebir künining amérika tarixi üchün matem küni ikenlikini we bu shekilde dawamlishishi kéreklikini bildürdi.
tramp 2020-yili féwralda taliban bilen tüzülgen kélishimde belgilik sharaitlar astida amérika eskerlirining afghanistandin 2021-yili 1-mayghiche chékinidighanliqi toghrisida wede bergen idi. 2021-yili pirézidéntliq hoquqini tapshuruwalghan jo baydin sani 2 ming 500 etrapida bolghan amérika eskerlirining chékinish waqtini 2021-yili 1-mayda bashlap 11-séntebirgiche axirlishidighanliqini élan qilghan idi.
amérika kongreside démokratlar pirézidént baydinning chékinish pilanini qollisa, jumhuriyetchilerning köp qismi «amérikaning afghanistanni muelleqte tashlap qoyghanliqini» we «u yerde térrorluqning qaytidin köpiyidighanliqini» ilgiri sürmekte.
