boko haram yene nurghun ademning jénigha zamin boldi

türkiye awazi radiyosi xewiri: boko haram térrorluq teshkilatining gherbiy afriqa döliti nigériyening sherqiy shimalida sadir qilghan hujumida 18 adem qaza qildi, 21 adem yarilandi.

hujumdin kéyin élip bérilghan zerbe bérish heriketliride bolsa, nurghun térorchi bir terep qilindi.

borno ölkisi waliysi babagana zulum, boko haram ezalirining damasakqa qilghan hujumidin kéyin rayonni ziyaret qildi we weqe toghrisida bayanat bérip, hujumda 18 ademning jénidin ayrilghanliqini, 21 ademning yarilghanliqini uqturdi.

yene bir tereptin, nigériye armiyesi bayanatchisi muhemmed yérima, armiyening borno ölkisining mobbar rayonida boko haramgha qarshi hawa we quruqluqtin zerbe bérish herikiti  élip bérip teshkilatning nurghun ezasini ujuqturghanliqini we térrorchilarning panahlinish orunlirini bitchit qilip tashlighanliqini bildürdi.

boko haramning 2009- yildin buyan nigériyede sadir qilghan keng kölemlik térrorluq heriketliride 20 mingdin artuq adem jénidin ayrildi.