iranning yadro istansisigha hujum qilghan kishining kimliki éniqlandi
iran istixbarat ministirliqi isfahandiki natanz yadro istansisigha hujum qilghuchining kimliki éniqlanghanliqini we nazaretke élinishi üchün kéreklik qedemlerning tashlanghanliqini élan qildi.
türkiye awazi radiyosi xewiri: iran istixbarat ministirliqidin bir mesulning dölet taratqulirida orun alghan bayanatida, hujum qilghuchining kimliki éniqlanghanliqi bildürüldi.
natanz yadro istansisining tok teqsimlesh torida 1- aprélda weqe chiqqanliqi bildürülgen bolup, tekshürüshtin kéyin, iran atom énérgiye orgini bashliqi eli ekber salihi bu weqening «térrorluq herikiti» ikenlikini élan qilghan idi.
iran tashqi ishlar ministiri muhemmed jewad zarifmu hujumning arqisida israiliyening barliqini we buning intiqami choqum élinidighanliqini bildürgen idi.
iranning natanz yadro istansisida 2020-yili éyul éyidimu ot apiti yüz bergen we iran yadro alimi muhsin fahrizade suyiqestke uchrap, etisi 28-noyabirda élan qilinghan bayanatta, buning israiliye teripidin élip bérilghan buzghunchiliq herikiti ikenliki uqturulghan idi.
natanz yadro istansisida shenbe küni pirézidént hesen ruhanining yolyoruqi bilen 10 hesse artuq uran ishlepchiqiridighan bolghan we 164 dane IR6 santrifuzh zenjiri ishqa kirishtürülgen idi.
