pfizér bilen bionték amérikagha iltimas sundi

türkiye awazi radiyosi xewiri: merkizi amérika qoshma ishtatliridiki dora shirkiti — pfizér bilen merkizi gérmaniyege jaylashqan biotéxnika shirkiti — bionték birliship tereqqiy qildurghan kowid – 19 waksinisining  12 — 15 yash ariliqidiki balilargha emlinishi üchün, amérika yémeklik we dora bashqurush idarisigha «jiddiy ehwal ishlitish» ijazetnamisi iltimasi sundi.

pfizér bilen bionték qoshma bayanat élan qilip, hemkarliship tereqqiy qildrughan kowid – 19 waksinisining 12 — 15 yash arisidiklerge emlinishi üchün amérika yémeklik we dora bashqurush idarisigha «jiddiy ehwal ishlitish» ijazetnamisi iltimasi sunghanliqini uqturdi.

aldinqi aydiki tekshürüshning, bu waksinining 12 — 15 yash ariliqidiklerge %100 ünümlük ikenlikini otturigha qoyghanliqi tekitlengen bayanatta: «bu iltimas hökümetlerning yer shari waksina emlesh tirishchanliqini qollashtiki muhim qedimimizge wekillik qilidu» dégen ibarilerge orun bérildi.

amérika dorigerlik shirkiti — pfizérning türk tetqiqatchilar özlem türeji we ughur shahinlar qurghuchi shériki bolghan gérmaniye biotéxnika shirkiti — bionték bilen hemkarliship tereqqiy qildurghan kowid – 19 waksinisi, amérika qoshma ishtatlirida amérika yémeklik we dora bashqurush idarisining maqulluqidin ötüp emlinishke bashlanghan tunji waksina bolghanidi.