amérikadiki qoralliq hujumlarda jemiy 6 kishi qaza qildi
amérikaning shimaliy karolina ishtatida bir öy ziyapitide yüz bergen qoralliq hujumda 3 kishi hayatidin ayrildi.
türkiye awazi radiyosi xewiri: wilmington shehiride ziyapet bérilgen öydin nurghun qétim oq awazi anglanghandin kéyin, neq meydangha barghan saqchilar 3 kishining qaza qilghanliqini we 4 kishining yarilanghanliqini éniqlidi.
yaridarlar yéqin etraptiki yéngi xannowér rayonluq doxturxanisida balnistqa élindi.
wilmington saqchi idarisi tünügün kechte yüz bergen weqe heqqide toxtilip, hujumning sewebi we hujum qilghuchining kimliki tekshürüliwatqanliqini bildürdi.
yene bir tereptin, mariland ishtatida yüz bergen qoralliq toqunushtimu 3 kishi qaza qildi.
shahzade géorgé nahiyelik saqchi idarisining twittér hésabida élan qilghan uchurida, saqchi etritining etigende etraptiki mehellilerni charlawatqanda oq awazi anglighanliqi, neq meydandiki bir aptomobilning ichide 2 er we 1 ayalni qoral bilen yarilanghan halda bayqighanliqi bayan qildi.
bayanatta yaridarlarning uzun ötmeyla qaza qilghanliqi uqturuldi.
bayanatta yene, weqening tasadipiy jinayet emesliki, gumandarlarni éniqlash üchün tekshürüshning dawamlishiwatqanliqi eskertildi.
