америкада қанунсиз көчмәнләр сани йеқинқи 15 йилниң әң йуқири пәллисигә йәтти

түркийә авази радийоси хәвири: җо байдин һөкүмитиниң көчмәнләр сийасити тоғрисида гуманлиниш пәйда қилған мексика чеграсидики көчмән һәрикәтлири давам қилмақта.

«вашингтон почтиси» гезитиниң америка чегра вә таможна муһапизәтчиләр оргини (CBP) ниң санлиқ мәлуматлириға асасән бәргән хәвиригә қариғанда, мартта америка - мексика чеграсидин өтүшкә урунуш җәрйанида тутулуп қалған көчмәнләр сани 171 миңдин ешип кәткән.

алақидар әмәлдарлар, буниң 2006 - йилдин буйанқи әң йуқири айлиқ санлиқ мәлумат икәнликини тәкитләп, йанвар ейида мексика чеграсида тутулған көчмәнләр саниниң 78442 икәнлики нәзәрдә тутулса, икки ай ичидә бу җәһәттә еғир ешиш көрүлгәнликини қәйт қилишти.

буниңдин башқа, мартта қолға елинған һәмраһсиз көчмән балилар сани 2 - айдикигә селиштурғанда %99 ешип, 18 миң 800 дин һалқиған.