amérika yaponiye we jenubiy koréye wekilliri bilen körüshti
amérika pirézidénti jo baydin rehberlikidiki yéngi hökümet, shimaliy koréye siyasitini békitishtin ilgiri yaponiye we jenubiy koréye qatarliq rayondiki ittipaqdashliri bilen körüshti.
1614094
türkiye awazi radiyosi xewiri: aqsaray bayanat élan qilip, dölet xewpsizlik ishliri meslihetchisi jéyk sulliwanning yapon we jenubiy koréyelik mensepdashliri shigéru kitamura we suh xun bilen maryland ishtatining annapolis shehiridiki amérika déngiz armiyesi akadémiyeside uchrishish ötküzgenlikini uqturdi.
tereplerning hindi – tinch okyan rayonining xewpsizlik mesililiri toghrisida pikir almashturghanliqi bildürülgen bayanatta: «shimaliy koréyening yadro we bashqurulidighan bomba pilanidin qiliniwatqan ortaq endishe otturigha qoyuldi, mesilining hel qilinishi we ortaq hel qilish iradisi tekitlep ötüldi» dégen ibarilerge orun bérildi.
uchrishishta yene, koréye urushi ayriwetken aililerni qaytidin jem qilish, kowid -19 we kélimat özgirishke qarshi turush qatarliq sahelerdiki hemkarliq mesililiri, shundaqla herbiy siyasiy özgirish yüz bergen bérmaning derhal démokratiyege qaytishini kapaletke ige qilish yolida tashlinidighan qedemler muzakire qilindi.
shimaliy koréye ötken ayda ikki dane qisqa musapilik bashqurulidighan bombisini sinaq qilghanidi.
bixeterlik mutexessislirining mölcheriche, aridin uzun mezgil ötkendin kéyin qilinghan sinaqlar yéngi amérika hökümitige bésim ishlitishni nishan qilidiken.
