wolqan bozqir blinkén bilen körüshti

türkiye awazi radiyosi xewiri: birleshken döletler teshkilati 75- nöwetlik omumiy kéngishi reisi wolqan bozqér bilen amérika qoshma ishtatliri tashqi ishlar ministiri antoni blinkén sin körünüshlük söhbet ötküzüp, b d t bilen amérikaning özara hemkarliqi toghrisida pikir almashturdi.

wolqan bozqér yighinning taratqular teripidin biwasite tarqitilghan bölümide, amérikaning b d t ning muhim hemrahi ikenlikini eskertip ötti.

bozqér, yéngi hökümetning xelqara organlar bilen qaytidin yariship, hemkarliq we ittipaqdashliqlarni dawamlashturush iradisini namayan qilishining kishini xushal qilidighanliqini, amérika bilen b d t otturisidiki qoyuq hemkarliqni taqetsizlik bilen kütüwatqanliqini bildürdi.

u yighinning yépiq qismida, kowid – 19 yuqumi we waksinining barawer, shundaqla adil teqsimlinishi, bérmadiki siyasiy özgirish, süriye kirizisi we israiliye- pelestin mesilisi qatarliq mesililerni muzakire qilidighanliqlirini bayan qildi.

amérika tashqi ishlar ministiri antoni blinkénmu mezkur mesililerni héchqandaq bir döletning yalghuz hel qilalmaydighanliqini eskertip, amérikaning yéngi we téximu yaxshi hemkarliq yollirini izdewatqanliqini, b d t sistémisining buning eng yaxshi qorallirining biri ikenlikini éytti.

köp tereplik hemkarliqning alahide muhimliqini tekitligen blinkén, amérikaning rayon we xelqara teshkilatlarning mesililirining hel qilinishi we hemkarliqida üstige chüshken wezipini ada qilidighanliqini sözlirige ilawe qildi.