liwanda musapirlarning qiyin - qistaqqa élinghanliqi ilgiri sürüldi

türkiye awazi radiyosi xewiri: liwan resmiy xewer agéntliqi, liwan bash teptishi ghessan uweydatning, xelqara kechürüm teshkilatining liwanda térrorluq jinayiti bilen eyiblengen musapirlarning qiyin – qistaqqa élinghanliqi toghrisidiki doklatida tilgha élinghan mesililerning tekshürülüshini telep qilghanliqini xewer qildi.

xelqara kechürüm teshkilatining 23- mart élan qilinghan doklatida, 4 balini öz ichige alghan 26 süriyelik musapirning liwan bixeterlik qisimliri teripidin her xil qanungha xilap muamile we qiynashlargha uchrighanliqi ilgiri sürülgenidi.

liwanda 2014- 2021 - yilliri ariliqida qolgha élinghan musapirlar daésh térrorluq teshkilatigha eza bolush bilen eyiblengenidi.

liwan jamaet xewpsizliki bash idarisi xelqara  kechürüm teshkilatidin bu eyibleshning sin xatirisini özlirige bérishni telep qilghan we saqchi idarisi bayanat élan qilip, qarmiqidiki ofétsirlarning musapirlar aldidiki insanperwerlik mejburiyitini ada qiliwatqanliqini otturigha qoyghanidi.