فايزېر بىلەن بىيونتېك ۋاكسىنا نىشانىنى يېڭىلىدى

تۈركىيە ئاۋازى رادىيوسى خەۋىرى: بىيونتېك ۋاكسىنا ئىشلەپچىقرىش پىلانى توغرىسىدا بايانات ئېلان قىلدى.

باياناتقا ئاساسلانغاندا، ئورتاق شىركەت فايزېرنىڭ ئىشلەپچىقىرىش ئىقتىدارىنى ئاشۇرۇشى بىلەن، 2021-يىلىنىڭ ئاخىرىغىچە 2.5 مىليارد دانە ۋۇخەن ۋىرۇسى ۋاكسىناسى ئىشلەپچىقىرىش پىلان قىلىنماقتا ئىكەن.

فايزېر شىركىتى ئىلگىرى مۇشۇ يىل (2021) ئىچىدە 2.3 مىلياردتىن 2.4 مىلياردقىچە ۋاكسىنا ئىشلەپچىقرىش نىشانىنى ئوتتۇرىغا قويغان ئىدى.

بىيونتېك باياناتىدا، ئۈچىنچى تەرەپ ئىشلەپچىقارغۇچىلار بىلەن تەمىنلىگۈچىلەرنىڭ ۋاكسىنا تورىنىڭ كېڭىيىشىدىكى رولىنىمۇ ئالاھىدە تەكىتلىدى. باياناتتا بۇ ھەقتە مۇنداق دېيىلدى:

«ئىشلەپچىقىرىش ئىقتىدارىنى ۋە تورىنى تېخىمۇ كېڭەيتىش ئۈچۈن يوشۇرۇن كۈچى بار شېرىكلەر بىلەن قوشۇمچە تەدبىرلەر توغرىسىدا ئۇچرىشىشلار داۋاملىشىۋاتىدۇ.»