hindonéziyede bir chérkawgha qilinghan adem bomba hujumida 14 kishi yarilandi

türkiye awazi radiyosi xewiri: jenubiy sulawési saqchi idarisi ammiwi munasiwet ishxanisi mesuli  é zulpan élan qilghan bayanatida, deslepki tekshürüshlerge asaslanghanda bu weqening  özini qoshup partlitish xaraktérlik hujum ikenliki éytti.

döletlik saqchi idarisi bayanatchisi argo yuwono bomba hujumida chérkaw bixeterlik xadimlirinimu öz ichige alghan 14 kishining yarilanghanliqini we ularning doxturxanida dawaliwatqanliqini bildürdi.

jenubiy sulawési saqchi idarisi teripidin élan qilinghan bayanatta bolsa, chérkawgha kirishke urunghan 2 motsiklitliq hujumchidin birsining  shu yerning waqti 10.28 ötkende bedinige téngiwalghan bombini partilatqanliqi uqturuldi.

yene bir hujumchi toghrisida héchqandaq melumat bérilmidi.

hindonéziyediki «nedletul ölima» (NU)  we «ölimalar mejlisi» (MUI) qatarliq islamiy jamaetler bilen ammiwi teshkilatlarmu hujumni eyiblidi.

makassar sheher bashliqi muhemmed ramadan pomanto yekshenbe künlük murasim üchün yighilghan ammining chirkawning ichide ikenlikini we  chérkawni nishan qilghan hujumning tesirige uchrimighanliqini bayan qildi.

chérkaw aldidiki hujumning jawabkarliqini hazirgha qeder héchkishi öz üstige almidi.