b d t afriqadiki 44 döletke waksina ewetilgenlikini uqturdi

türkiye awazi radiyosi xewiri: dunya sehiye teshkilatining kirimi töwen we otturahal döletlerning waksinilargha barawer ige bolushigha kapaletlik qilishni meqset qilghan «kowid  - 19 waksinilirigha yershariwi érishish pirogrammisi» dairiside, afriqadiki 44 döletke kowid – 19 waksinisi ewetildi.

dunya sehiye teshkilati afriqa rayoni ishxanisi twittér hésabida bayanat élan qilip, hazirghiche 7 milyon 700 ming quta waksinining xeter astidiki rayonlargha yétip barghanliqini uqturdi.

bayanatta: «kowid  - 19 waksinilirigha yershariwi érishish pirogrammisi dairiside , afriqa qitesidiki 44 dölet iane we ikki tereplik kélishimler arqiliq waksinilarni tapshuruwaldi» dégen ibarilerge orun bérildi.

dunya sehiye teshkilati 44 döletning 32 isining waksinilash xizmitini bashlighanliqi toghrisidiki uchurlarni hembehirlidi.

bayanatta yene, waksina bilen teminlesh jeryanidiki qiyinchiliqlargha isharet qilinip, afriqaning téximu köp kowid – 19 waksinisigha éhtiyajliq ikenliki qeyt qilindi.

afriqa késelliklerning aldini élish we kontrol qilish merkizi, dunyaning herqaysi jayliridiki, bolupmu yawropadiki kowid  - 19 waksinisi bilen teminlesh qiyinchiliqining afriqa döletlirige selbiy tesir körsitish éhtimalliqining barliqini éytip agahlandurghanidi.