iraqta térrorluq teshkilati daéshqa tewe 85 nishan pachaqlap tashlandi
iraqta xelqara birleshme qisimlar shimaldiki taghliq rayonda 133 qétim hawa hujumi qilish arqiliq térrorluq teshkilati daéshqa tewe 85 nishanni pachaqlap tashlidi.
türkiye awazi radiyosi xewiri: iraq dölet mudapie ministirliqigha qarashliq bixeterlik médiya ishxanisining bayanatigha asaslanghanda, ninowa qomandanliq orgini teripidin qarataghning taghliq rayonida élip bérilghan herbiy heriket 10 kün dawamlashqan.
bayanatta, térrorluq teshkilati daéshqa tewe 61 panahjay we 24 öngkürning bitchit qilinghanliqi hemde nurghun térorchilarning ujuqturulghanliqi bildürüldi.
térrorluq teshkilati daésh 2014-yili 6-ayda iraqning mosul, salahaddin we enbar wilayetlirining hemmini, shundaqla diyala we kerkükning bir qismini ishghal qilghan idi. bu rayonlar bir nechche yildin kéyin daéshtin qayturup élinghan idi.
iraqning sabiq bash ministiri heyder el ibadi 2017-yili 12-ayning 9-küni daéshqa qarshi ghelbisini élan qilghan we iraq daéshtin tazilanghinigha 3 yildin ashqan bolsimu, daésh mezkur wilayetlerning yéza qishlaqlirida hazirghiche hujumlirini dawamlashturup kelmekte.
