b d t da uyghur türklirige qiliniwatqan zulum küntertipke keldi
xitayning b d t da turushluq muawin daimiy wekili dey bing nutuq sözlesh tizimlikide ismi yoq turuqluq zorlap söz qilip, xitaygha qaritilghan eyibleshni pütünley ret qilipla qalmastin, belki yene amérikani éghir tenqid qildi.
türkiye awazi radiyosi xewiri: birleshken döletler teshkilati irqiy ayrimichiliqqa qarshi turush toghrisida uyushturulghan pirogrammida, amérika bilen xitay bir-birini «kishilik hoquq depsendichiliki» bilen eyiblidi.
amérikaning b d t da turushluq daimiy wekili linda tomas girinfilid b d t merkizi binasida ötküzülgen «xelqara irqiy kemsitishni yoqitish küni» pirogrammisida söz qilip, dunyaning herqaysi jaylirida hazirmu qulluq we irqiy ayrimichiliqning yüz bériwatqanliqini tekitlidi.
linda tomas girinfilid birmadiki arakan musulmanliri we xitaydiki uyghur türklirige qilinghan zulumlarni misal keltürüp, xitay hökümitining «uyghurlargha we uyghur rayonidiki bashqa az sanliq millet we diniy étiqadtikilerge qarshi irqiy qirghinchiliq shundaqla insaniyetke qarshi jinayet sadir qilghanliqi» ni bildürdi.
xitayning b d t da turushluq muawin daimiy wekili dey bing nutuq sözlesh tizimlikide ismi yoqluqigha qarimastin, zorlap söz qilip, amérika wekilining eyiblishini « bashtin-axir yalingach yalghan we mish-mish parang» dédi.
bing amérikani xitayning ichki ishlirigha arilishiwélish bilen eyiblep, amérikaning bashqa döletlerge néme qilish kéreklikini sözlep yürüshning ornigha, «özining shermendichilik bilen tolghan kishilik hoquq xatirisi» ge qarishi kéreklikini bildürdi.
bing: «amérika kishilik hoquqtin siyasiy meqsette paydilishtin toxtishi kérek. afriqa we asiyaliqlargha qaritilghan kemsitish we öchmenlik weqelirini, hetta dawamlishiwatqan wehshi jinayetlirini tügitish üchün emeliy tedbir qollinishini tewsiye qilimen» dep eyiblidi.
