israiliyede bash ministir bényamin nétanyahugha qarshi namayishlar 37 heptidin béri dawamlashmaqta
minglighan israiliye puqrasi quddus, tel awiw we shimaldiki qeyseriyye sheherliride bash ministir bényamin nétanyahuning istipa bérishini telep qilip namayish ötküzdi.
türkiye awazi radiyosi xewiri: israiliye resmiy médiya idarisi «Kan» ning xewer qilishiche, tünügün nétanyahuning quddustiki turalghusi aldigha yighilghan bir qisim namayishchilar bash ministirning qollighuchilirining hujumigha uchrighan.
tel awiw we qeysariyye sheherliridiki namayishlardimu, nétanyahu we uning hökümitining chiriklikige qarshi «i nétanyahu! muweppeqiyet qazinalmiding, emdi kétip qal!» dep shoarlar towlandi we «i nétanyahu! sésiq purap ketting, tézraq ket!» dep yézilghan lozinkilar échildi.
israiliyede 23 - martta ötküzülidighan chong saylamdin ilgiri bashlanghan namayishlar 37 heptidin béri dawamlashmaqta.
bezide heptide ikki qétim ötküzülgen namayishlarda, nétanyahugha qaritilghan chiriklik déloliri we kowid -19 yuqumini kontirol qilishta muweppeqiyetlik bolmasliqi sewebidin istipa bérishi telep qilinmaqta.
