wénézuéla pirézidéntigha rusiyening kowid-19 waksinisi emlendi
wénézuéla pirézidénti nikolas madurogha rusiyening kowid-19 waksinisi «sputnik V» emlendi.
türkiye awazi radiyosi xewiri: wénézuéla pirézidénti nikolas maduro tiwittér hésabida kowid-19 waksinisi bilen emlengen widéosini hembehirlidi.
maduro hembehirligen uchurigha «mushu peytni ortaqlishiwatimen, manga «sputnik V» ning tunji miqdari emlendi. bu waksina bilen nurghun sehiye xadimlirini emliduq, barliq xelqimizni qoghdash üchün bashqa wakshinalarnimu qoshumche qilghan halda teyyarliq qiliwatimiz» dégen sözlirini ilawe qildi.
maduro «sputnik V» waksinisining ikkinchi türküminingmu döletke yétip kelgenlikini bildürüp, émbargolar we tosalghulargha qarimastin, xelqning hayatini qoghdash üchün intayin estayidilliq bilen küresh qiliwatqanliqini éytti.
wénézuélada wirus bilen qaza qilghanlarning omumiy sani 1400 ge we yuqumlanghanlarning hazirqi sani 142 ge yetti.