wiladimir putin iran rehbiri eli hamaniy yollighan uchurgha jawab qayturdi
rusiye prézidénti wiladimir putinning iran rehbiri eli hamaniy yollighan uchurgha jawab qayturghanliqi bildürüldi.
1596510
türkiye awazi radiyosi xewiri: iran resmiy xewe agéntliqi «IRNA» ning xewirige asaslanghanda, rusiyening téhranda turushluq bash elchisi léwan jagaryan rusiye pirézidénti wiladimir putinning uchurini iran rehbiri eli hamaniyning xelqara munasiwet meslihetchisi eli ekber wilayitigha tapshurghan.
iran parlaménti bashliqi muhemmed bakir kalibaf 8-féwraldiki moskwa ziyariti jeryanida hamaniyning putingha yollighan uchurini rusiye parlaméntining töwen qaniti dumaning bashliqi wiyachéslaw wolodingha yetküzgen idi.
muhemmed bakir kalibaf moskwa ayrodorumda iran muxbirlirigha bergen bayanatida, ikki dölet otturisidiki istratégiyelik munasiwet dairiside, hamaniydin rusiye hökümitige muhim uchur élip kelgenlikini éytqan idi.
