idlibqa 282 mingdin artuq kishi qaytqan
süriyede idlib jiddiychilikni peseytish rayonida, türkiye bilen rusiye otturisida 2020-yili 5-mart imzalinip, bir kündin kéyin ijra qilinghan urush toxtitishqa bir yil bolghan bu künlerde 282 ming 544 kishi öylirige qaytti.
türkiye awazi radiyosi xewiri: süriyede köch melumatlirigha munasiwetlik xizmetlerge mesul süriye mudaxile kordinatorluqining mudiri muhemmed hallaj idlibqa qaytqan puqralar sani toghrisida bayanat élan qildi.
u urush toxtitish kélishimidin kéyin, beshshar esed hakimiyiti we uning qollighuchilirining herbiy heriketni toxtitishi bilen, puqralarning özi yashighan rayonlargha qaytqanliqini bildürüp: «urush toxtitilghandin kéyinki bir yil ichide texmine 56 ming 308 ailidin terkip tapqan 282 ming 544 puqra, idlib we heleb etrapidiki turalghulirigha qaytti» dédi.
u öylirige qaytqanlarning hazirghiche ijtimaiy teshkilatlarning yardemlirige köp éhtiyajliq ikenlikini eskertip, puqralar qaytqan jaylarda partlimighan bombilargha diqqet qilishi kérekliki toghrisida agahlandurdi.
u urush toxtitish dawamlashqan ehwalda téximu köp puqraning yurtigha qaytidighanliqini texmin qiliwatqanliqlirini bildürüp, öyliri beshshar esed hakimiyiti quruqluqtin ilgirilep qolgha kirgüzüwalghan rayonlarda qalghan puqralarning qaytishining mumkin emeslikini qeyt qildi.
