tramp: méni séghinmidinglarmu?

türkiye awazi radiyosi xewiri: 2021-yili 20-yanwar pirézidéntliq hoquqini démokratlarning namzati jo baydingha ötküzüp bergen donald tramp, hoquqidin ayrilghandin kéyinki tunji nutqini floridada ötküzülgen 2021-ylliq konsérwatip siyasiy heriket konféransida sözlidi.

u kishiler bilen liq tolghan bir zalda, asasliqi jo baydin hökümitini qattq tenqid qildi we özi hemde jumhuriyetchi partiyening kélechiki toghrisida pikirlirini bayan qildi.

u nutqini «méni séghinmidinglarmu?» dep bashlidi we töt yil burun bashlighan siyasiy heriketning téxi axirlashmighanliqini, belki yéngidin yolgha chiqqanliqlirini éytti.

u yéngi partiye toghrisida éniq signal bérip: «yéngi partiye qurmaymen, bu heqtiki xewerler yalghan. jumhuriyetchi partiye bizning partiyemiz. ghururluq, tirishchan we wetenperwer amérikaliqlar teshkilligen herikitimiz yéngi bashlandi. axirida biz ghelibe qilimiz» dédi.

u yene saylamda saxtipezlik qilinghanliqini ilgiri sürüp, twittér we feysbuk qatarliq ijtimaiy taratqu munberlirining «dölettiki konsérwatip adréslarni nishan qilip taqiwetkenlikini» ilgiri sürüp, bu shirketlerning tekshürülüshi kéreklikini eskertti.