b d t birma herbiy hökümitini qattiq eyiblidi
b d t birmada puqralarning basturuluwatqanliqini qattiq eyiblidi we tinchliq bilen namayish qilghan puqralargha ölümni keltürüp chiqiridighan muwazinetsiz küch ishlitishini qobul qilghili bolmaydighanliqini bildürdi.
türkiye awazi radiyosi xewiri: b d t bash katipining bayanatchisi stéfan dujarik (Stephane Dujarric) birmada yéqinqi künlerde yüz bériwatqan zorawanliq weqeliri toghrisida yazma bayanat élan qildi.
bayanatta: «bash katip birmadiki zorawanliq xaraktérlik basturushlarni qattiq eyibleydu. ölüm we yarilanghanlar sanining köpiyishidin chongqur qayghuruwatidu. birmada tinchliq bilen namayish qilghanlargha ölümni keltürüp chiqiridighan muwazinetsiz küch ishlitishini we armiyening qalaymiqan adem tutushini qobul qilghili bolmaydu. bash katip xelqaraliq jemiyetlerni birliship, birma xelqining iradisige hörmet körsitishi üchün armiyege éniq signal bérishni chaqiriq qilidu» déyildi.
b d t kishilik hoquq ishxanisi tünügün (2021-yili 28-féwral) birmadiki bixeterlik küchlirining herbiy özgirishke qarshi ötküzülgen namayishlarni basturushi sewebidin eng az dégende 18 kishining jénidin ayrilghanliqini élan qilghan idi.
birma armiyesi özige yéqin siyasiy guruppilarning 2020-yili 8-noyabir ötküzülgen saylamda saxtipezlik qilinghanliqini ilgiri sürüshi we dölet ichidiki yirikchiliklerning keskinlishishi bilen, 2021-yili 1-féwral herbiy özgirish qozghap hakimiyetni ötküzüwalghan idi.
birma armiyesi tashqi ishlar ministiri we döletning emeliy rehbiri ang san suchini öz ichige alghan nurghun hökümet rehberlirini tutup, bir yilliq jiddiy halet élan qilghan idi.
