bérmadiki namayishlarda nurghun oqughuchi tutup kétildi
bérmada namayishqa qatnashqan nurghun sanda tébbiy oqughuchilarning saqchi aptomobilliri bilen tutup kétilgenliki we sheherning köpligen jaylirida miltiq awazliri anglanghanliqi bildürüldi.
türkiye awazi radiyosi xewiri: bérmada armiye 2 -féwralda hakimiyetni tartiwalghandin kéyin, dölet miqyasida siyasiy özgirishke qarshi qozghalghan namayishlarda texminen 800 kishining qolgha élinghanliqi uqturuldi.
yanggondiki xlédan meydanida namayish qiliwatqan nurghunlighan tébbiy oqughuchilarning bügün saqchi aptomobilida tutup kétilgenliki we sheherning köpligen jaylirida miltiq awazi angliniwatqanliqi qeyt qilindi.
bérma armiyesi özige yéqin siyasiy guruppilarning 2020-yili 8-noyabirdiki saylamda aldamchiliq bar, dégenlerni ilgiri sürüp dölet ichide jiddiylikni kücheytishidin kéyin, 1-féwralda hakimiyetni tartiwalghan idi.
herbiy hakimiyet tashqi ishlar ministiri we döletning emeliy rehbiri ang san su chi qatarliq nurghun mesullarni we hakimiyet béshidiki partiye rehberlirini qolgha alghan we dölette bir yilliq jiddiy halet élan qilghan idi.
