bérmadiki herbiy hakimiyet b d t da turushluq daimiy wekilni wezipisidin élip tashlidi
bérmaning birleshken döletler teshkilatidiki daimiy wekili kyaw mo tun herbiy-siyasiy özgirishke qarshi nutuq sözligendin kéyin «döletke xiyanet qilish bilen» eyiblinip herbiy hakimiyet teripidin wezipisidin élip tashlanghanliqi élan qilindi.
türkiye awazi radiyosi xewiri: bérma döletlik téléwiziye istansisi «MRTV» bash elchi tunning döletke wekillik qilmaydighan gheyriy resmiy bir teshkilat namidin söz qilghanliqini we bash elchining öz hoquqi we mesuliyitini suyiistémal qilghanliqini élan qildi.
herbiy hakimiyet teripidin döletke xiyanet qilish bilen eyiblengen bash elchi kyaw mo tun wezipisidin élip tashlandi.
kyaw mo tun b d t omumiy kéngishide aldinqi küni ötküzülgen bérma yighinida söz qilip, xelqara jamaetchilikning bérmadiki herbiy - siyasiy özgirishni toxtitishini telep qilghan we b d t ni bérmadiki herbiy hakimiyetke qarshi turush we démokratiyeni eslige keltürüsh üchün zörür bolghan her türlük wasitilerni ishlitishke chaqiriq qilghan idi.
bérma armiyesi özige yéqin siyasiy guruppilarning 2020-yili 8-noyabirdiki saylamda aldamchiliq bar dégenlerni ilgiri sürüp dölet ichide jiddiylikni kücheytishidin kéyin, 1-féwralda hakimiyetni tartiwalghan idi.
herbiy hakimiyet tashqi ishlar ministiri we döletning emeliy rehbiri ang san su chi qatarliq nurghun mesullar we hakimiyet béshidiki partiye rehberlirini qolgha alghan we dölette bir yilliq jiddiy halet élan qilghan idi.
