yaponiyede sakamoto yalghuzluq ministirliqigha wezipige teyinlendi
wuxen wirusi (Kovid-19) sewebidin özini öltürüwélish nisbiti éshiwatqan yaponiyede, bash wezir suga rayonluq ministir bolup wezipe ötewatqan tétsushi sakamotoni «yalghuzluq ministiri» liqigha teyinlidi.
türkiye awazi radiyosi xewiri: yaponiyening wuxen wirusigha qarshi kürishide ijtimaiy hayatning toxtap qélish nuqtisigha kélishi, xelqni barghanséri bésim astida we yalghuz hés qildurmaqta.
yaponiyede özini öltürüwélish weqeliride éshish körülüwatqan bolup, buning aldini élish üchün heriketke ötken yaponiye bash weziri yoshihide suga, rayonluq tereqqiyat ministiri tétsushi sakamotoni yalghuz yashaydighan kishilerning mesililirige mesul ministir qilip wezipige teyinlidi.
sakamoto yéngi wezipisi toghrisida bayanat élan qilip: «bash wezir suga meslini tekshürüshüm we munasiwetlik ministirliqlar bilen kordinatsiye sheklide keng dairilik istratégiyeni otturigha qoyushum üchün perman chüshürdi. ijtimaiy yalghuzluqning aldini élish we kishiler arisidiki munasiwetlerni qoghdash üchün her xil paaliyetlerni emelge ashurushni ümid qilimen» dédi.
