nétanyahu: iranni tosush üchün her türlük ishni qilimiz
isirailiye bash ministiri nétanyahu yadro kélishimi qaytidin ijra qilinsun yaki qilinmisun, iranning yadro qoraligha ige bolushining aldini élish üchün her türlük chare-tedbirlerni ishqa salidighanliqlirini bildürdi.
türkiye awazi radiyosi xewiri: isirailiye bash ministiri nétanyahu bir téléwiziye pirogrammisigha qatniship, amérikaning iran bilen 2015-yili imzalighan kélishimge qaytish toghrisida toxtaldi.
u isirailiyening ümidlirini iran bilen tüzülidighan kélishimge baghlimighanliqlirini, shimaliy koréyede bolghinigha oxshash, bu xil kélishimlerning bek kargha kelmeydighanliqini ilgiri sürdi. u mundaq dédi:
«kélishim bolsun yaki bolmisun, iranning yadro qoraligha ige bolushinng aldini élish üchün her xil ishni qilimiz.»
iran bilen amérika, rusiye, firansiye, engliye, xitay we gérmaniye otturisida yadro kélishimi imzalanghan, biraq sabiq pirézidént donald tramp 2018-yili kélishimni bikar qilghan idi.
iran 2019-yili 8-maydin tartip qedemmu qedem kélishimde bergen wedilirini toxtitishqa bashlighan we 2020-yili 5-yanwargha kelgende wedilirini pütünley toxtitip, yuqiri sewiyede uran qoyuldurushni öz ichige alghan bezi heriketlerni bashlighan idi.
