dunyadiki eng chong zeherlik chékimlik teshkilati kattiwéshining ayali qolgha élindi
«él chapo» leqemlik méksikaliq zeherlik chékimlik padishahi jowkuin guzmanning ayali émma koronél aysporo amérikaning wirginiye ishtatida xelqara zeherlik chékimlik etkeschiliki bilen eyiblinip qolgha élindi.
türkiye awazi radiyosi xewiri: amérika edliye ministirliqining bayanatigha asaslanghanda, ikki yil ilgiri «él chapo» ning sotigha daim dégüdek qatniship kéliwatqan émma koronél aysporo, bügün wirginiye ishtatining dullés xelqara ayrodorumida qolgha élinghan bolup, seyshenbe küni washingtonda sot qilinidiken.
aysporo xiroin, kokayin we métafétamin qatarliq zeherlik chékimliklerni amérikigha yötkesh bilen eyiblenmekte.
eyni chaghda forbés milyardérlar tizimlikidinmu orun alghan we uzundin buyan izdep tutush buyriqi chiqirilghan yoldishi guzman 2001-yili méksika türmisidin kir kéyimler yötkeydighan aptomobilgha yoshurunup qéchip ketken idi.
2001- we 2015-yilliridimu méksikadiki bixeterlik tedbirliri eng yuqiri ikki türmidin qéchip chiqqandin kéyin, guzman 2016-yili 1-ayda yene tutulup, amérikigha qayturulghan idi.
dunyadiki eng chong zeherlik chékimlik teshkilatining kattiwéshi depmu eyiblengen él chapo 2019-yili 7-ayning 17-küni amérikining nyu york ishtatida échilghan sotta muddetsiz qamaq jazasigha höküm qilinghan idi.
