b d t déngizda qapsélip qalghan arakanliqlar üchün chaqiriq élan qildi

türkiye awazi radiyosi xewiri: b d t köchmenler aliy komissarliqi andaman déngizida bir qolwaqta qapsélip qalghan bir guruppa arakanliq musulmanning qutquzéwélinishi üchün chaqiriq élan qildi.

chaqiriqta, texminen 10 kün burun bangladishning koks (Cox) bazar shehiridin yolgha chiqqan arakanliqlarning qolwaq motorida chiqqan kashila tüpeylidin bir qanche kündin buyan déngizda qalghanliqi qeyt qilindi.

jan qutquzushning aldinqi orunda turushi kérekliki tekitlengen chaqiriqta, andaman déngizida qolwaqta qapsélip qalghan arakanliq musulmanlarning derhal quruqluqqa chiqirilishi üchün barliq hökümet mesullirining heriketke ötüshining muhimliqi tekitlendi.

chaqiriqta, bir qanche kün burun su we yémek-ichmekler tügigen qolwaqta, yéqinqi 24 saette jénidin ayrilghanlarning barliqi alahide eskertildi.