engliye bilen kanada birma herbiy emeldarlirigha émbargo yürgüzüshni qarar qildi

türkiye awazi radiyosi xewiri: engliye birma armiyesi we saqchilirining yashash hoquqi, yighilish we pikir erkinliki qatarliq asasiy kishilik hoquqlargha xilapliq qilip, qalaymiqan adem tutqanliqi üchün, herbiy özgirish qozghighan emeldarlargha émbargo yürgüzüshni qarar qildi.

kanada tashqi ishlar ministirliqimu birmada herbiy özgirish qozghighan yuqiri derijilik toqquz généralgha émbargo yürgüzüshni qarar qildi.

birmada herbiy özgirishke we xelq teripidin saylamghan hökümet ezalirining qolgha élinishigha qarshi chiqqan namayishchilar, engliye bilen kanadaning herbiy özgirish qozghighan herbiylerge émbargo yürgüzgenlikini qarshi aldi.

namayishlarni teshkilligüchilerdin biri bolghan sinzar shunléy yi (Thinzar Shunlei Yi) twittérda bayanat élan qilip, kanada bilen engliyening birma armiyesining yuqiri derijilik mesullirigha émbargo yürgüzüsh qararidin memnunluq hés qilghanliqini bildürdi.

u: «bashqa döletlerningmu birmadiki herbiy özgirishke buninggha oxshash jawab qayturushini kütimiz» dédi.

u yawropa ittipaqi tashqi ishlar ministirlirining 2021-yili 22-féwraldiki yighinidin, birma armiyesige émbargo yürgüzüsh qararining chiqishini kütidighanliqlirini eskertti.

herbiy özgirishke qarshi chiqqan namayishchilar, ijtimaiy taratqularda émbargo qarari üchün engliye bilen kanadagha teshekkür éytip uchur hembehirlidi.