amérika dunya sehiye teshkilatigha bolghan qerzini töleydighanliqini bildürdi
amérika qoshma ishtatliri tashqi ishlar ministiri antoni blinkén dunya sehiye teshkilatigha bolghan 200 milyon dollardin artuq qerzini mushu ayning axirliri töleydighanliqlirini jakarlidi.
türkiye awazi radiyosi xewiri: blinkén, birleshken döletler teshkilati xewpsizlik kéngishining «kowid – 19» yuqumi we waksinigha barawerlik asasida érishish mesilisi muzakire qilinghan yighinida qilghan sözide, amérika qoshma ishtatlirining «kowid – 19 yuqumi» waksinisi tetqiq qilip yasash we tarqitishta, dunya miqyasida shérikliri bilen birlikte heriket qilidighanliqini eskertish bilen bir waqitta, «kowid – 19» yuqumigha qarshi küreshte we téximu küchlük sehiye sistémiliri berpa qilishta dunya sehiye teshkilatining oynaydighan rolining nahayiti muhimliqini, amérika qoshma ishtatlirining, dunya sehiye teshkilatining yer shari xaraktérlik waksina pilani bolghan «kowid – 19 yuqumi» waksinisi pirogrammisi (COVAX) gha iqtisadiy jehettin yardem bérishni pilanlawatqanliqini tekitlep mundaq dédi: «amérika qoshma ishtatliri dunya sehiye teshkilatigha bolghan 200 milyon dollardin artuq qerzini mushu ayning axirliri töleshni pilanlimaqta.»
