nato 13 shéhit üchün türkiyege teziye bildürdi

türkiye awazi radiyosi xewiri: shimaliy atlantik okyan ehdi teshkilati – nato bash katipi yéns stolténbérg, garada « 13 türkiye puqrasining öltürülgenlikini eyibleydighanliqliri»ni eskertip, ittipaqdashlarning türkiye xelqidin hal soraydighanliqini bildürdi.

yéns stolténbérg natogha eza döletler mudapie ministirlirining ikki künlük sin körünüshlük yighinining birinchi küni kechte axbarat élan qilish yighini ötküzdi.

türkiye puqrasi 13 kishining iraqning shimalidiki gara rayonida bölgünchi térrorluq teshkilati teripidin shéhit qilinishigha munasiwetlik bir soalgha jawab bergen stolténbérg, türkiyege teziye bildürdi.

u bu qirghinchiliqning jawabkarlirini eng küchlük shekilde eyibleydighanliqini tekitlep: «ittipaqdashlar bügünki dölet mudapie ministirliri yighinida teziye bildürdi. ittipaqdashlar türkiye xelqi bilen hemkarliq ichide» dédi.