иран америкадин йадро мәсилисидә қәдәм бесишни тәләп қилди

түркийә авази радийоси хәвири: иранниң охшимиған районлирида сәһийә саһәсидә әмәлгә ашурулған бәзи лайиһәләрниң ечилишиға син арқилиқ қатнашқан һәсән руһани, америка һөкүмитини тәнқид қилди вә йадро келишими мәсилисидә қәдәм бесишни тәләп қилди.

у америка сабиқ пирезиденти доналд трампни «чоң террорист вә виҗдансиз» дәп атиди вә байдинни илгирики һөкүмәт маңған йолдин қайтишқа чақирди.

у: «иранға қарши еғир ембарго йүргүзүш сийасити мәғлуб болди. дунйада һечким буниңдин гуманланмайду. американиң йеңи һөкүмитидин һазирчә йахши нийәт вә пәрқлиқ позитсийә көрмидуқ. гәп-сөзлири өзгәрди, әмма әмәлийәттә өзгәргәнликини көрүшимиз керәк. өткүзүлгән җинайәтниң орнини қандақ толдуридиғанлиқи ениқ әмәс» деди.

у трамп қайта йолға қойған ембарголар сәвәбидин иран хәлқиниң қийинчилиқлириниң давамлишиватқанлиқини әскәртип: «америкадики йеңи һөкүмәт раст гәп қиливатқан болса, ундақта вақитни исирап қилмастин йолини өзгәртиши вә имканийәтниң баричә бурунқиниң орнини толдуруши керәк» деди.