тесланиң сезимчан екранида кашила көрүлди

түркийә авази радийоси хәвири: американиң електиронлуқ аптомобил ишләпчиқарғучи ширкити - тесла «Model S» вә «Model X» аптомобиллирида көрүлгән сезимчан екран мәсилиси сәвәбидин 134 миң 951 аптомобилни чақиритип тәкшүрүштин өткүзиду.

америка дөләтлик таш йол қатнаш бихәтәрлик идариси 13- йанварда тесланиң сезимчан екранидики кашиланиң бихәтәрлик хәвпи пәйда қилиш еһтимали барлиқиниң ениқланғанлиқи тоғрисида ширкәткә мәктуп йоллиғаниди.

мәктупта, аптомобилларда көрүлгән сезимчан екран мәсилисиниң арқини көрүш камераси вә муз ериткүчниң бузулушини кәлтүрүп чиқириш етимали болғачқа, бихәтәрлик хәвпи пәйда қилидиғанлиқиға ишарәт қилинғаниди.

бу һәқтә 12 миңдин артуқ херидарниң капаләт тәлипи вә екранға мунасивәтлик шикайити барлиқи байан қилинған мәктупта, тесланиң башқа кашилилар сәвәбидин бурун қайтурувалған аптомобиллириниң санидин көп аптомобилда екран мәсилисиниң көрүлүш еһтимали барлиқи тоғрисида агаһландурулғаниди.