amérikaning yéngi tashqi ishlar ministiri blinkén boldi
amérika kéngesh palatasi pirézidént jo baydin teripidin tashqi ishlar ministiri namzatliqigha körsitilgen antoniy blinkén qararnamisini maqullidi.
türkiye awazi radiyosi xewiri: kéngesh palatasi omumiy kéngishida ötküzülgen bélet tashlashta, blinkén qararnamisi, 22 ge qarshi 78 awaz bilen maqullandi.
dölet mudapie ministiri loyid ostin, maliye ministiri janét yéllén we döletlik axbarat orginining bashliqi awril haynéstin kéyin, blinkén baydinning ichki kabinétida qararnamisi testiqlanghan tötinchi shexs boldi.
amérika qoshma ishtatlirida döletlik axbarat orginining bashliqimu ichki kabinét ezasi hésablinidu.
amérika qoshma ishtatlirining dunyawi obrazini yaxshilishi mölcherliniwatqan 58 yashliq blinkén, sabiq pirézidént barak obama (2015-2017 – yillar) dewride, muawin tashqi ishlar ministiri süpitide wezipe ötigenidi.
yéngi tashqi ishlar ministiri, baydin we uning yardemchisi bolup saylanghan kamala harrisqa, saylam seperwerlik heriketliri mezgilide, tashqi siyaset meslihetchisi bolghanidi.
