dunyada waba sewebidin jénidin ayrilghanlar 2 milyon 100 mingdin ashti

türkiye awazi radiyosi xewiri: amérikada wuxen wirusi sewebidin jénidin ayrilghanlar sani 435 ming 452 ge, yuqumlanghanlar sani 26 milyon 11 ming 222 ge yetti.

amérika pirézidénti baydin fayzér (Pfizer) bilen modérna (Moderna) din her biridin 100 milyon shishe waksina sétiwalidighanliqlirini bildürüp: «yaz axirighiche yaki küz peslining béshighiche 300 milyon amérikaliqqa yetküdek waksinamizning bolushini ümid qilimiz» dédi.

ispaniyede yéqinqi 24 saette wuxen wirusi sewebidin 591 kishi jénidin ayrildi we sekkiz aydin buyanqi eng yuqiri kündilik ölüm weqesi bolup qaldi. wuxen wirusi sewebidin jénidin ayrilghanlarning jemiy sani 56 ming 799 gha chiqti. oxshash waqitta, 36 ming 435 kishi yuqumlandi we jemiy san 2 milyon 629 ming 817 ge chiqti.

ispaniye farmamar (PharmaMar) dora shirkiti wuxen wirusigha qarshi tetqiq qilip yasighan dorining haywanlar üstidiki sinaqning %99 muweppeqiyetlik bolghanliqi bildürüldi.

firansiyede wuxen wirusi sewebidin jénidin ayrilghanlar 74 ming 106 ge, yuqumlanghanlar sani 3 milyon 79 ming 943 ke chiqti.

engliyede yéqinqi 24 saette wuxen wirusi sewebidin 631 kishi jénidin ayrildi, 20 ming 89 kishi yuqumlandi. wirus sewebidin jemiy jénidin ayrilghanlar 100 ming 162 ge, jemiy yuqumlanghanlar sani 3 milyon 689 ming 746 ge chiqti.

engliye yawropadiki wuxen wirusi sewebidin eng köp jénidin ayrilghan dölet bolush unwanini qoldin bermidi.

gérmaniyediki bayrayt (Bayreuth) doxturxanisi wuxen wirusining téz tarqiliwatqan türi «B117» sewebidin karantin astigha élindi.

bulghariye hökümiti wuxen wirusigha qarshi yolgha qoyulghan bezi tedbirlerni yenggillitishni qarar qildi.

bulghariyede 1-féwraldin bashlap kinoxana we bezi paaliyet makanliri %30 lik tolush nisbiti bilen xizmetke échilidighanliqini bildürdi. soda sarayliri we tenterbiye salonlirimu 1-féwraldin bashlap  %50 lik tolush nisbiti bilen échilidu.

afriqa qiteside wuxen wirusigha munasiwetlik eng köp ölüm körülgen jenubiy afriqada, yéqinqi 24 saette 680 kishi jénidin ayrildi we jemiy san 41 ming 797 ge chiqti. 1 milyon 423 ming 578 kishi yuqumlandi.

wuxen wirusi sewebidin 1 ming 507 kishi jénidin ayrilghan, 122 ming 996 kishi yuqumlanghan nigériyede, wuxen wirusining téz tarqilidighan «B117» türining bayqalghanliqi bildürüldi.

zimbabwida kabénttiki töt ministirning wuxen wirusi sewebidin jénidin ayrilishi bilen, memurlarning öyide xizmet qilish qarari chiqirildi. bu dölette hazirghiche 31 ming 646 kishi wirus bilen yuqumlandi, 1075 kishi wirus sewebidin jénidin ayrildi.

wuxen wirusi sewebidin 592 kishi jénidin ayrilghan, 25 ming 127 kishi yuqumlanghan sénégalda, 2021-yili 6-yanwardin bashlap yolgha qoyulghan jiddiy haletning waqti toshqandin kéyin, sehiye saheside jiddiy halet yolgha qoyuldi.

hindonéziyede sinowak waksinasining ikkinchi qétimliqi emlinishke bashlandi. hindonéziye pirézidénti joko widodo téléwiziye ékranlirining qarshisida waksina emletküzdi.

hindonéziye hökümiti kéler yilghiche 181.5 milyon kishini emleshni nishan qildi. hindonéziyede hazirghiche 1 milyon 12 ming 350 kishi yuqumlandi, 28 ming 468 kishi jénidin ayrildi.

wuxen wirusi sewebidin 3 ming 96 kishi jénidin ayrilghan, 254 ming 822 kishi yuqumlanghan giruziyede, tashqi ishlar ministiri dawit zalkaliyani (Davit Zalkaliani) ning yuqumlanghanliqi bildürüldi.

shimaliy qibris türk jumhuriyitide wuxen wirusigha qarshi yolgha qoyulghan tedbirler ramkisida bügün (2021-yili27-yanwar) din bashlap lefkoshada bir hepte, girnede ikki hepte toluq karantin yolgha qoyulidu. her ikki sheherde dorixana, may qachilash ponkitliri, nawayxana, qassapxana we kündilik turmush magézinliri we bularni mal bilen teminligüchiler, cheklimining sirtida bolidu. ikki hepte boyiche dölet we xususi mektepleder, bashlanghuch we ottura mektep sewiyesidiki oqu-oqutushlar toxtitilip, intérnétte ders ötüsh bashlinidu.

wuxen wirusi sewebidin 5 ming 311 kishi jénidin ayrilghan, 373 ming 43 kishi yuqumlanghan yaponiyede, bash wezir shuga yoshihide wirusqa qarshi turush ramkisida, sehiye sistémisini yéterlik derijide nazaret qilalmighanliqlirini bildürüp: «xelq tibbiy xizmet sunidighan sistémidin endishe qilmaqta» dédi.

yaponyede wuxen wirusigha qarshi turush ramkisida kishiler zich bolghan jaylarda «PCR» tekshürüshi mart (2021) éyidin tartip bashlinidu.

bezi döletlerdiki wuxen wirusigha munasiwetlik ölüm sanliri töwendikiche:

biraziliye 218 ming 878, méksika 152 ming 16, argéntina 47 ming 253, kolombiye 52 ming 128, péru 40 ming 107, chili 18 ming 23, ékwador 14 ming 668, boliwiye 10 ming 105, marakesh 8 ming 187, tunis 6 ming 370, aljiriye 2 ming 871, liwan 2 ming 477, ereb birleshme xelipiliki 805 we behreyn 370.