italiyede bash ministiri istipa bérishni oylashmaqta
italiyede bash ministir juséppé konté ministirlar kéngishi yighini chaqirip, kabinétqa özining istipa bérishni oylishiwatqanliqini élan qilidighan boldi.
türkiye awazi radiyosi xewiri: 13-yanwarda italiyediki töt partiye ittipaqining parchilinishi bilen bashlanghan hökümet krizisining yéngi bir burulushqa qedem qoyishi mölcherlenmekte.
italiye bash ministirliqi teripidin élan qilinghani yazma bayanatta, ministirlar kéngishining bügün chaqirilidighanliqi tekitlinip, «bash ministir juséppé konté istipa bérish telipini pirzidéntqa yollaydighanliqini ministirlirigha élan qilidu. bash ministir konté kabinét yighinidin kéyin prézidént sérgiyo mattarélla bilen körüshidu» déyildi.
italiye metbuatlirining xewerliride, italiye wiwa partiyesining ittipaqtin ayrilishidin kéyin, kéngesh palatasidiki köp sanliq nisbiti xewipke duch kelgen konténing edliye ministiri alfonso bonaféda üchün kéngesh palatasidiki bélet tashlashta, hökümetning az bélet élish éhtimali békitilgenliki sewebidin istipa bérishni küntertipke élip kelgenliki bildürülmekte.
konténing öz rehberliki astida parlaméntta téximu küchlük ittipaq qurush we bu heqte prézidéntning meslihet élip baralishi üchün istipa béridighanliqi tekitlenmekte.
