xitayda partlash yüz bergen altun kanidiki qutquzush xizmetliri 14 – künige qedem qoydi
xitayning shendung ölkiside 14 kün ilgiri yüz bergen partlash netijiside 22 kan ishchisi kanda qapsilip qalghan bolup, 11 ishchi qutquzuwélindi.
türkiye awazi radiyosi xewiri:xitayning shendung ölkisige qarashliq yentey shehiride 10 -yanwarda qurulush basquchidiki altun kanida partlash yüz bergendin buyanqi izdesh we qutquzush xizmetliri hélihemmu dawamlashmaqta.
qutquzush mashinisi we ot öchürüsh mashinilirimu altun kani aldida 14 kündin béri kutup turiwatqan bolup, 600 din artuq izdesh-qutquzush xadimi wezipe ötewatqan kandin aridin 14 kün ötkende 11 ishchi qutquzuwélindi.
qutquzuwélinghan ishchilar doxturxanigha yetküzüldi.
qurulush basquchidiki kanda qapsilip qalghan ishchilarning birsi 21 - yanwarda qaza qilghan idi.
xitay döletlik kan bixeterlik idarisi 19-yanwarda élan qilghan bayanatida, hadisilerning aldini élish üchün kömür kanliridin sirt dölet miqyasidiki 32 ming kanni etrapliq tekshürüs qarar qilinghanliqi bildürüldi.
bayanatta, tekshürüshlerning mart éyighiche dawamlishidighanliqi we qaidilerge riaye qilmighanlarning éghir jazagha tartilidighanliqi uqturuldi.
