dunyada yuqumlanghanlar sani 92 milyon 879 mingdin ashti

türkiye awazi radiyosi xewiri: amérikada wuxen wirusi sewebidin jénidin ayrilghanlar 393 ming 928 ge, yuqumlanghanlar sani 23 milyon 616 minggha chiqti. jons xopkins (Johns Hopkins) uniwérstétining melumatlirigha asaslanghanda, amérikada wuxen wirusi tarqilishqa bashlighandin buyanqi kündilik ölüm weqeliride eng yuqiri san körülgen.

biraziliyede sehiye ministirliqining melumatlirigha asaslanghanda, yéqinqi 24 saette wuxen wirusi sewebidin 1 ming 274 kishi jénidin ayrilghan we jemiy san 206 ming toqquzgha yetken. oxshash waqitta, 60 ming 899 kishi yuqumlinip, jemiy san 8 milyon 257 minggha yetken.

yerlik saylamda ghelibe qilghandin ikkinchi qétim wuxen wirusi bilen yuqumlanghan we waqtining hemmisini doxturxanida ötküzgen goaniya (Goiania) shehirining bashliqi maguyto wiléla (Maguito Vilela) jénidin ayrildi.

méksikada yéqinqi 24 saette wuxen wirusi sewebidin 1 ming 235 kishi jénidin ayrildi, 15 ming 873 kishi yuqumlandi. wirus sewebidin jénidin ayrilghanlarning jemiy sani 136 ming 917 ge, jemiy yuqumlanghanlar sani 1 milyon 571 ming 901 ge chiqti.

engliyede yéqinqi 24 saette wuxen wirusi sewebidin 1 ming 564 kishi jénidin ayrildi, 47 ming 525 kishi yuqumlandi. wirus sewebidin jénidin ayrilghanlarning jemiy sani 84 ming 767 ge, jemiy yuqumlanghanlar sani 3 milyon 211 ming 576 ge yetti.

engliye bash weziri boris jonson waba sewebidin jiddiy qutquzush bölümlirining chong xeter astida ikenlikini éytti.

italiyede yéqinqi 24 saette wuxen wirusi sewebidin 527 kishi jénidin ayrildi we jemiy san 80 ming 326 ge chiqti. oxshash waqitta, 15 ming 774 kishi yuqumlinip, jemiy yuqumlanghanlar sani 2 milyon 319 ming 36 ge chiqti.

firansiyede wuxen wirusi sewebidin jénidin ayrilghanlar sani 69 ming 31 ge, yuqumlanghanlar sani 2 milyon 830 minggha chiqti.

ispaniyede yéqinqi 24 saette wuxen wirusi sewebidin 195 kishining jénidin ayrilishi bilen, jemiy san 52 ming 878 ge chiqti. oxshash waqitta, 38 ming 869 kishi yuqumlandi we jemiy san 2 milyon 176 ming 89 gha chiqti.

argéntinada yéqinqi 24 saette wuxen wirusi sewebidin 135 kishi jénidin ayrildi we jemiy san 44 ming 983 ke chiqti. oxshash waqitta, 12 ming 725 kishi yuqumlandi we jemiy san 1 milyon 757 ming 429 gha chiqti.

kolombiye sehiye ministirliqining sanliq melumatlirigha asaslanghanda, yéqinqi 24 saette wuxen wirusi sewebidin 342 kishi jénidin ayrilip, jemiy san 47 ming 124 ke chiqqan. oxshash waqitta, 15 ming 898 kishi yuqumlanghan we jemiy san 1 milyon 831 ming 980 ge chiqqan.

péruda yéqinqi 24 saette wuxen wirusi sewebidin 74 kishi jénidin ayrildi, 2 ming 932 kishi yuqumlandi. buning bilen, wirus sewebidin jénidin ayrilghanlarning  jemiy sani 38 ming 473 ke, jemiy yuqumlanghanlar sani 1 milyon 43 ming 640 qa chiqti.

ékwador sehiye ministirliqining melumatlirigha asaslanghanda, yéqinqi 24 saette wuxen wirusi sewebidin 33 kishi jénidin ayrilghan. buning bilen, wirusi sewebidin jénidin ayrilghanlarning jemiy sani 1 ming 748 ge chiqqan.  oxshash waqitta, 14 ming 229 kishi yuqumlinip, jemiy san 224 ming 315 ke chiqqan.

chilida yéqinqi 24 saette wuxen wirusi sewebidin 22 kishi jénidin ayrildi we jemiy san 17 ming 204 ke chiqti. oxshash waqitta, 3 ming 390 kishi yuqumlinip 652 ming 525 ke chiqti.

boliwiye sehiye ministirliqining melumatlirigha asaslanghanda, bir künde wuxen wirusi sewebidin 39 kishi jénidin ayrilghan, 2 ming 57 kishi yuqumlanghan. wirus sewebidin jénidin ayrilghanlarning jemiy sani 9 ming 493 ke, jemiy yuqumlanghanlar sani 178 ming 818 ge chiqqan.

giwatémala taratquliridiki xewerlerde bildürülishiche, yéqinqi 24 saette wuxen wirusi sewebidin 37 kishi jénidin ayrilghan we jemiy san 5 ming 117 ge chiqqan. oxshash waqitta, 1 ming 4 kishi yuqumlinip, jemiy san 145 ming 986 ge chiqqan.

panama sehiye ministirliqining melumatlirida bildürülishiche, yéqinqi 24 saette wuxen wirusi sewebidin 33 kishining jénidin ayrilishi bilen, jemiy san 4 ming 954 ke chiqqan. oxshash waqitta, 3 ming 315 kishining yuqumlinishi bilen, jemiy yuqumlanghanlar sani 288 ming 408 ge chiqqan.

wuxen wirusi sewebidin 1 ming 660 kishi jénidin ayrilghan daniyede, wuxen wirusining téximu téz tarqilidighan «B117» türi sewebidin 2020-yili 16-dékabir yolgha qoyulghan tedbirlerning mudditi 2021-yili 7-féwralgha uzartildi.

gérmaniyede yéqinqi 24 saette 1 ming 244 kishining jénidin ayrilishi bilen, wuxen wirusi sewebidin jénidin ayrilghanlarning jemiy sani 43 ming 881 ge, 25 ming 164 kishining yuqumlinishi bilen, jemiy yuqumlanghanlar sani 1 milyon 978 ming 590 gha chiqti.

hindistanda yéqinqi 24 saette wuxen wirusi sewebidin 198 kishi jénidin ayrildi. buning bilen wirus sewebidin jénidin ayrilghanlarning jemiy sani 151 ming 765 ke chiqti. bir künde 16 ming 946 kishi yuqumlandi we jemiy san 10 milyon 512 minggha chiqti.

hindistanda 16-yanwar (2021) din bashlap sehiye xadimliri we 50 yashtin yuqirilargha waksina emlesh bashlinidu.

rusiyening wuxen wirusi kontrol qilish we aldini élish merkizining bayanatigha asaslanghanda, yéqinqi bir künde wirus sewebidin 570 kishi jénidin ayrilghan we jemiy san 63 ming 940qa؛ 24 ming 763 kishi yuqumlinip, jemiy yuqumlanghanlar sani 3 milyon 495 ming 816 ge chiqqan.

rusiye pirézidénti wladimir putin wuxen wirusigha qarshi keng kölemde waksina emlesh musapisini bashlash toghrisida perman chüshürdi. moskwada wuxen wirusigha qarshi yolgha qoyulghan tedbirlerning mudditini 21-yanwar (2021) ghiche uzartish qarar qilindi. qarargha asaslanghanda,köngül échish sorunliri, réstoran, qawaqxana we qehwexanilar shu yer waqti 23:00 tin 06:00 giche taqilidiken. ammiwi sorun, ammiwi qatnash wastiliri, taksi, mashina toxtitish jayliri we léfitlarda maska taqash mejburiy bolidiken.

iranda yéqinqi bir künde wuxen wirusi sewebidin 81 kishi jénidin ayrildi we jemiy san 56 ming 538 ge chiqti. oxshash waqitta, 6 ming 471 kishi yuqumlandi we jemiy san 1 milyon 311 ming 810 gha chiqti.

xitayda may éyi (2020) buyan tunji qétim bir kishi wuxen wirusi sewebidin jénidin ayrildi. buning bilen xitayda, wirus sewebidin jénidin ayrilghanlarning jemiy sani 4 ming 635 ke chiqti. yuqumlanghanlar sani 87 ming 844 ke chiqti.

yaponyede wuxen wirusi sewebidin 97 kishining jénidin ayrilishi bilen, jemiy san 4 ming 289 gha chiqti. jemiy yuqumlanghanlar sani 304 ming 752 ge chiqti.

yaponiye tibiiy fédératsiyesining bashliqi nakagawa toshiyo axbarat élan qilish yighinida, aldi élinalmighan yuqum süritining, sehiye sistémisigha éghir tesir körsetkenlikini eskertip, dölet miqyasida jiddiy haletning élan qilinishi üstide alahide toxtaldi.

wuxen wirusi sewebidin 3 ming kishi jénidin ayrilghan, 163 ming 100 kishi yuqumlanghan erméniyede, yuqumlanghan pirézidént armén sarkisyanning ehwalining éghirlishishi sewebidin doxturxanigha yatquzuldi.

pelestinde 30 kishining wuxen wirusi sewebidin jénidin ayrilishi bilen, jemiy san 1 ming 814 ke chiqti. yuqumlanghanlar sani 168 mingdin ashti.

yéqinqi 24 saette wirus sewebidin 951 kishi jénidin ayrilghan hindonéziyede, waksina emlesh ishliri bashlandi. hindonéziye sehiye ministirliqi bügün (2021-yili 14-yanwar) asasliqi sehiye xadimlirigha waksina emleshning bashlanghanliqini bildürdi.

tunista wuxen wirusi sewebidin jénidin ayrilghanlar 5 ming 415 ke, yuqumlanghanlar sani 168 ming 568 ge chiqti.

liwiyede wuxen wirusi sewebidin jénidin ayrilghanlar sani 1 ming 629 gha, yuqumlanghanlar sani 106 ming 670 ke chiqti.

jenubiy afriqa sehiye ministirliqining melumatlirigha asaslanghanda, yéqinqi 24 saette 806 kishi jénidin ayrilghan we jemiy san 35 ming 140 qa chiqqan. yuqumlanghanlar sani 1 milyon 278 ming 303 ke chiqqan.

afriqa ittipaqining nöwetchi reisi we jenubiy afriqaning pirézidénti siyril ramafosa (Cyril Ramaphosa), qitege tarqitish üchün oxshimighan waksina shirketliridin 270 milyon shishe wuxen wirusi waksinasining sétiwélinghanliqini bildürdi.

u 50 milyon shishe waksinaning aprél (2021) éyidin iyun éyighiche yétip kélidighan waksinalarning afriqa qitesidiki döletlerge tarqitilidighanliqini qeyt qildi.

bezi döletlerdiki wuxen wirusigha munasiwetlik ölüm sanliri töwendikiche:

polsha 32 ming 74, bélgiye 20 ming 250, ukraina 20 ming 214, kanada 17 ming 383, rumniye 16 ming 969, chéxiye 13 ming 656, gollandiye 12 ming 685 we wéngriye 10 ming 948.