amérika xezine ministirining katipi bir türk bolidu
tégi türk didem nishanjining amérika qoshma ishtatlirida pirézidéntliqqa saylanghan jo baydinning 20 – yanwar küni wezipige olturushidin kéyin xezine ministirliqigha teyinlinishi kütülüwatqan janét yéllénning bash katipi bolidighanliqi bildürüldi.
türkiye awazi radiyosi xewiri: blombérg agéntliqining alaqidar tarmaqlarni menbe körsitip xewer qilishiche, yéllén, blombérg agéntliqining ammiwi siyaset bölümining mesuli didem nishanjigha xezine ministirliqida bap katip bolush teklipini sunghan, didemmu bu teklipni qobul qilghan.
xewerde déyilishiche, yéllénning xezine ministiri bolush qararnamisi testiqlanghan teqdirde, nishanji yélléngha eng yéqin shexslerdin biri bolidiken.
didem nishanji, ilgiri sabiq pirézidént barak obama dewride, amérika qoshma ishtatliri köchme mülük we borsa komitétida bash katipliq wezipisi ötigen, 2018 – yili blombérgqa yötkilishtin burun, promontori pul muamile guruhida ishligenidi.
amérika qoshma ishtatliri awam palatasining pirézidéntliq ishliri komitétida wezipe ötigen nishanji, 1998 – 2001 – yilliri xezine ministirliqida xizmet qilghanidi.
amérika qoshma ishtatliri pirézidénti bolup saylanghan jo baydin, aldinqi yili noyabirda amérika qoshma ishtatliri merkez bankisining bashliqi janét yéllénning xezine ishliri ministiri namzati ikenlikini uqturghanidi.
amérika qoshma ishtatliri palatasida wezipige teyinlinish qararnamsi testiqlanghan teqdirde, janét yéllén dölet tarixida xezine ministiri süpitide wezipige teyinlengen tunji ayal bolidiken.
