xitay axiri dunya sehiye teshkilati (WHO) mutexessislirining xitaygha bérishigha qoshuldi
dunya sehiye teshkilati (WHO) mutexesisliri wuxen wirusi (Kovid-19) ning kélish menbesini tekshürüsh üchün 14 - yanwar (2021) da xitaygha baridighan boldi.
türkiye awazi radiyosi xewiri: xitay döletlik sehiye komitéti dunya sehiye teshkilati mutexessiler heyitining xitay ziyariti heqqide qisqiche bayanat élan qildi.
xitayning bayanatigha asaslanghanda, dunya sehiye teshkilatining mutexesisler heyiti ömiki ziyaret jeryanida xitay kespdashliri bilen muzakirilishidiken.
xitay tashqi ishlar ministirliqi bayanatchisi xua chünying 6 - yanwar (2021) ötküzülgen qerellik muxbirlarni kütüwélish yighinida, wuxen wirusining kélish menbesini tekshürüsh üchün dunya sehiye teshkilati (WHO) bilen meslihet qiliwatqanliqini élan qilghan idi.
dunya sehiye teshkilati bash dériktori dr. tédros adanom gébréyus 5 - yanwar élan qilghan bayanatida, kowid -19 ning kélip chiqish menbesini tekshürüsh üchün xitaygha bérishi kütülüwatqan xelqaraliq mutexessislerning tosqunluqqa uchrighanliqi üstide toxtilip: «xitay mesullirining xitaygha barmaqchi bolghan mutexesislerheyitining xitaygha bérishi üchün kéreklik ruxset resmiyetlirini testiqlimighanliqidin xewer taptuq. heyetning ikki ezasi alliqachan (xitaygha) seperni bashlighan bolup, ularning xitaygha kirgüzülmesliki we qalghan mutexessilerning axirqi peytte seperge chiqalmighanliqi sewebidin könglimiz intayin yérim» dégen idi.
dunya sehiye teshkilati jiddiy ishlargha taqabil turush pirogrammisining diréktori mayk riyan bolsa, dunya sehiye teshkilati ilmiy wekiller ömikining wiza alalmighanliqi sewebidin xitaygha kirgüzülmigenlikini éytqan idi.
