amérika teywen bilen bolghan munasiwetlerdiki barliq cheklimilerni bikar qilghanliqini élan qildi

türkiye awazi radiyosi xewiri: mayk pompéyo donald tramp hökümitining wezipisini ötküzüp bérishige bir nechche kün qalghanda, amérika-teywen munasiwetlirige alaqidar yene bir muhim qedemni tashlidi.

pompéyo teywenning dinamik küchke ige ittipaqdash dölet ikenlikini, biraq bügünge qeder amérika - xitay munasiwetlirini tengpunglashturush meqsitide özlikidin bezi cheklimiler qoyulghanliqini bildürüp: «bügün biz özimiz qoyghan barliq cheklimilerni bikar qilimiz» dédi.

amérikaning dunyaning nurghun jaylirida «gheyriy resmiy» ittipaqdashlar bilen bolghan munasiwetlirini dawamlashturup kelgenlikini bildürgen pompéyo, teywenning buningdin kéyin mustesna hésablanmaydighanliqini éytti.

ministir pompéyo amérikaning birleshken döletler teshkilatida turushluq daimiy wekili kélliy kraftning qisqa waqit ichide teywenni ziyaret qilidighanliqini élan qilghan, xitay bolsa, bu xil ziyaretke qetiy qarshi turidighanliqini jakarlighan idi.

xitay hökümiti «bir xitay» pirinsipini özleshtürüp, xitaygha xelqara jemiyette peqet özliriningla wekillik qilidighanliqini ilgiri sürüp kelmekte hemde teywenning dunya döletliri bilen musteqil diplomatik munasiwetlerni ornitishigha shundaqla b d t we bashqa xelqaraliq teshkilatlarda wekil turghuzushigha qarshi chiqip kelmekte.