jenubiy koréye mehkimisi yaponiyeni tölem töleshke höküm qildi

türkiye awazi radiyosi xewiri: paytext séuldiki bir sot mehkimisi, koréyelik ayallarning 2- dunya urushi mezgilide yapon eskerliri teripidin xorlanghanliqini bildürüp 2013 - yili sunghan erznamisige qarap chiqti.

sot mehkimisi bayanat élan qilip, yaponiye hökümitining ziyankeshlikke uchrighan 12 ayalning her birige 100 milyon won (91 ming 300 dollar) tölem bérishige qarar qilghanliqini uqturdi.

asasliqi koréye, filippin, teywen we asiyaning bashqa döletliridiki texminen 200 ming ayal 1910- 1945- yilliri arisida koréye yérim ariligha bésip kirgen yapon eskerlirining basqunchiliqi we we jinsiy parakendichilikige uchrighanidi.

koréye bilen yaponiye 2015- yili ziyankeshlikke uchrighan ayallargha tölem tölesh toghrisida kélishim imzalighan bolup, kélishimge asasen, séul bilen tokyo ziyankeshlikke uchrighan koréye ayallirining mesilisini «özül - késil we özgermes shekilde» hel qilidu.

2019- yilining axirida yaponiye kabinét katibat bashqarmisi yapon eskerlirining ikkinchi dunya urushida koréye ayallirigha jinsiy parakendichilik salghanliqini jezmleshtürgenidi.