песков: адаләтсиз ковид-19 ваксиниси риқабитидә, русийә ваксинаси «тәлвиләрчә» һуҗумға учриди
песков адаләтсиз ковид-19 ваксиниси риқабитидә, русийә ваксинаси ниң «тәлвиләрчә» һуҗумға учриғанлиқини билдүрди.
түркийә авази радийоси хәвири: русийә пирезидентлиқ сарийи кремил байанатчиси димитрий песков адаләтсиз ковид-19 ваксиниси риқабитидә, русийә ишләпчиқарған ваксиниға қарши кәң көләмлик һуҗум қилинғанлиқини вә бу һуҗумларниң толиму «тәлвиләрчә» болғанлиқини билдүрди.
песков «русийә 1» телевизийә қанилиниң зийаритини қобул қилип бәргән байанатида, русийәниң ваксина ишләпчиқиришта дөләтләр ара һәмкарлиқниң пүтүнләй сийасәттин сиртида тутилишини керәкликини қоллиғанлиқини тилға елип, «әпсуски, биз ғайәт зор адаләтсиз риқабәтниң намайәндисигә дуч кәлдуқ. <Sputnik V> ваксинисиға қаритилған һуҗумларни әсләп бақайли. пүтүнләй тәлвиләрчә. һечқандақ һәмкарлиқ аламити йоқ иди. лекин шундақтиму <Sputnik V> ваксиниси дунйада әң көп тәләп қилинидиған ваксиниға айланғандин кейин, әмдиликтә һуҗумларниң унчә әһмийити қалмиди» деди.
песков русийә пирезиденти виладимир путинниң барлиқ дөләтләрни баштин-ахир ваксина ишләпчиқириш вә ортақ бәһрилиништә мәсулийәтчан болушқа чақирғанлиқини тилға алди.
песков путинниң бу чақириқини йуқум сәвәбидин син йиғини арқилиқ өткүзүлгән г 20 дөләтләр гуруһи башлиқлар йиғинида қайта тәкрарлиғанлиқини әскәртип, «пирезидентимиз шу чағдики сөзидә ваксинини ишләпчиқиришта, тәрәққий қилдуруш вә синақ қилишта һәмкарлиқниң пүтүнләй сийасәттин узақ тутилиши, һөкүмәтниң бесимлири вә риқабәт амиллиридин халий һалға кәлтүрүлиши керәкликини тәкитлигән иди» деди.
