iran parlaménti yadro layihesini maqullidi
iran parlaménti yadro paaliyetlirini tézleshtürüsh teklip qilinghan qanun layihesini maqullidi.
türkiye awazi radiyosi xewiri؛ iran dölet téléwiziyesi yadro paaliyetlirini tézleshtürüsh qanun layihesining parlaméntta maqullanghanliqini xewer qildi.
xewerge asaslanghanda, «émbargolarning emeldin qaldurulushi we dölet menpeetini qoghdash üchün istratégiyelik heriket pilani» dep nam bérilgen layihe, 290 kishilik parlaméntta 250 awaz bilen maqullanghan.
parlaméntta qobul qilinghan layihe asasiy qanunni qoghdighuchilar kéngishide testiqlinip qanungha aylanghan ehwal astida, iran atom énérgyesi idarisi uranni eng az dégende %20 qoyuldurushni bashlaydu we töwen sewiyede qoyuldurulghan uran zapisini köpeytidu.
layihe, yadro kélishimi terepdarliri layihe axirqi basquchta testiqlinip, ikki ay ötkiche iranning bankachiliq munasiwetlirini we néfit éksportini normallashturidighan qedemlerni tashlimisa, «yadro qorallirining kéngiyishining aldini élish kélishimi» ramkisida, 2016-yilidin tartip xalisane ijra qiliniwatqan qoshumche kélishimdin chékinishke chaqiridu.
iran qoshumche kélishim boyiche, xelqara atom énérgiyesi agéntliqi teptishlirining, iranning yadro muesseselirini xalighan waqitta tuyuqsiz tekshürüshige ruxset qilghan idi. téhran hökümitining qoshumche kélishimdin chékinishi, xelqara atom énérgiyesi agéntliqi teptishlirining tekshürüshlirige chek qoyulidighanliqini bildüridu.
مۇناسىۋەتلىك خەۋەرلەر
michotaks türkiyege kélidu
girétsiye bash ministiri kériyakos michotakis paytext enqerede dölet ishliri ziyaritide bolidu.