bash wezir yoshihide yaponiye-amérika xewpsizlik ittipaqini kücheytidighanliqlirini bildürdi

türkiye awazi radiyosi xewiri: sabiq bash wezir shinzu abi ötken ay (2020-yili séntebir) istépa bergendin kéyin, wezipe tapshuruwalghan suga yoshihide, parlaméntta tunji qétim nutuq sözlidi.

u iqtisadtin tashqi siyasetkiche, wuxen wirusi(Kovid-19)  din tokyo olimpikighiche bolghan nurghun témilar üstide toxtaldi.

u yaponiye-amérika otturisidiki xewpsizlik ittipaqini we bu ittipaqni dawamliq kücheytishni «tokyo diplomatiyesining ul téshi» ikenlikini eskertip, okinawa ishtatidiki amérika herbiy bazilirining ishtatqa bolghan yükini yenggillitishni nishan qilghanliqlirini bildürdi.

u mundaq dédi:                                                       

«erkin we rawan hindi-tinch okyan» nishanini rialliqqa uyghunlashturush üchün tirishimiz. rayondiki qoshnilirimiz xitay we jenubiy koréye bilen muqim munasiwet tesis qilimiz. shimaldiki qoshnimiz rusiye bilen ikkinchi dunya urushidin kéyin imzalanghan tinchliq kélishimi mesilisini hel qilidighanliqimizgha ishinimen.»

 u: «yer sharining issip kétishining aldini élish, emdi iqtsadiy éshishqa bésim élip kelmeydu. aldinqi hökümetlerning 2050-yilighiche kéreksiz gaz qoyup bérishni %80 azaytish pilanini ijra qilimiz» dédi.