dunyada yuqumlanghanlar sani 39 milyondin ashti

türkiye awazi radiyosi xewiri: dunyada wabaning merkizige aylanghan amérikada, wuxen wirusi sewebidin jénidin ayrilghanlar sani 222 ming 717 ge, yuqumlanghanlar sani 8 milyon 216 ming 315 ke yetti. 41 ishtatta yuqumlanghanlar sanida izchil éshish körüldi.

amérikada yuqum sanida üchinchi qétim éshishning körülüsh mumkinliki qeyt qilinmaqta.

firansiyede yéqinqi 24 saette wuxen wirusi sewebidin 88 kishi jénidin ayrildi we jemiy san 33 ming 125 ke chiqti. yuqumlanghanlar sani rékort sewiyede 30 ming 621 kishi éship 809 ming 684 ke chiqti.

sehiye xadimliri memliket miqyasida namayish ötküzüp, pirézidént makrondin téximu doxtur, sistéra we sehiye xizmetchilirini ishqa élishni telep qildi.

gérmaniyede yéqinqi 24 saette wuxen wirusi sewebidin 24 kishi jénidin ayrildi we jemiy san 9 ming 810 gha chiqti. oxshash waqitta, 7 ming 334 kishi yuqumlandi we jemiy yuqumlanghanlar sani 348 ming 816 ge chiqti.

asiya qiteside wuxen wirusining eng éghir tesirige uchrighan hindistanda, yéqinqi 24 saette 895 kishi jénidin ayrildi. buning bilen, wuxen wirusi sewebidin jénidin ayrilghanlarning jemiy sani 112 ming 161 ge chiqti. oxshash waqitta, 63 ming 371 kishi yuqumlandi we jemiy san 7 milyon 370 ming 468 ge chiqti.

hindistan yuqum sanida dunyadiki ikkinchi dölet bolup qaldi.

wuxen wirusi sewebidin 619 kishi jénidin ayrilghan, 43 ming 280 kishi yuqumlanghan ezerbeyjanda, mekteplerning tetil waqti 2020-yili 2-noyabirghiche uzartildi. élinghan tedbirler ramkisida, baku métrosimu 2-noyabirghiche qatnimaydu. %30 dölet xizmetchiliri ishqa baridu, bashqilar yiraqtin xizmet qilidu. xususiy shirketlergimu bu tedbirler tewsiye qilindi.

ezerbeyjan ministirlar kéngishi 65 yashtin yuqiri kishilerning öyliridin chiqmasliqni tewsiye qildi.

rusiyede yéqinqi 24 saette wuxen wirusi sewebidin jénidin ayrilghanlar sani 232 kishi éship 23 ming 723 ke chiqti. oxshash waqitta, yuqumlanghanlar sani 15 ming 150 kishi éship 1 milyon 369 ming 313 ke chiqti.

bezi döletlerdiki wuxen wirusigha munasiwetlik ölüm sanliri töwendikiche:

biraziliye 152 ming 513, méksika 85 ming 285, engliye 43 ming 293, italiye 36 ming 372, péru 33 ming 577, ispaniye 33 ming 553, kolombiye 28 ming 457, argéntina 25 ming 342, chili 13 ming 434, ékwador 12 ming 306, bélgiye 10 ming 327, boliwiye 8 ming 377, jenubiy afriqa 18 ming 309, hindonéziye 12 ming 268, iraq 10 ming 86 we giwatémala 3 ming 453.