qatargha natogha eza bolmighan ittipaqdashliq salahiyiti bérilidu
amérika qoshma ishtatlirining qatargha chet el döletlirige mudapie sodisi we bixeterlik hemkarliqida menpet yetküzülidighan «natogha eza bolmighan ittipaqdashliq salahiyiti» bérishni pilalawatqanliqi bildürüldi.
türkiye awazi radiyosi xewiri: amérika qoshma ishtatliri tashqi ishlar ministirliqining ereb qoltuqi ishlirigha mesul muawin diplomatiye ministiri wekili timoti léndérking, sin arqiliq bu heqte élan qilghan bayanatida, qatarning paris qoltuqi rayonida amérika qoshma ishtatliri üchün muhim ittipaqdashlardin biri ikenlikini eskertish bilen bir waqitta, iqtisadiy hemkarliqtin sirt yene, ottura sherqtiki eng chong amérika herbiy bazisighimu sahibxaniliq qiliwatqanliqini tekitlidi.
shimaliy atlantik ehdi teshkilatigha eza bolmighan muhim ittipaqdashliq salahiyiti, amérika qoshma ishtatliridin herbiy esliheler sétiwélish we telim - terbiye élish pursiitige érishishtin sirt yene, zapas matériyallar, téz süretlik arqa sep xizmiti we téxnologiyege érishish imkaniyitige érishtüridu.
igilinishiche, ereb döletliridin behreyn bilen kuweytnimu öz ichige alghan 17 dölet, shimaliy atlantik ehdi teshkilatigha eza bolmighan muhim ittipaqdashliq salahiyitige ige iken.
مۇناسىۋەتلىك خەۋەرلەر
ukraina may éyi kirgendin buyan rusiyening töt urush ayropilanini étip chüshürdi
ukraina donétsik rayonida rusiyege tewe Su-25 tipliq urush ayropilanini étip chüshürdi.