роберт редфилид: маскиниң қоғдаш күчи ваксинидинму йуқири
америка кесәлликләрниң алдини елиш вә контрол қилиш мәркизиниң мудири роберт редфилид, «маска ковид – 19 дин мудапиәлинишкә ваксинидинму йахши капаләтлик қилиду» деди.
түркийә авази радийоси хәвири: америка парламентида өткүзүлгән йиғинға қатнашқан кесәлликләрниң алдини елиш вә контрол қилиш мәркизиниң мудири роберт редфилид, американиң йуқумға қарши күрәштики нөвәттики әһвали һәққидә тохталди.
йуқумниң пүтүн америка миқйасидики тәсириниң давам қиливатқанлиқини, ваксина тепилған тәқдирдиму йуқумниң бир кечидила ахирлашмайдиғанлиқини оттуриға қойған редфилид, вирусниң тарқилишиниң алдини елиш тәдбирлириниң муһимлиқиға ишарәт қилип өтти.
у, маскиниң интайин муһим икәнликини алаһидә әскәртип, «маскиниң ишқа йарайдиғанлиқини көрситидиған көп санда интайин ениқ илмий пакитлиримиз бар, һәтта, маска ковид - 19 дин мудапиәлиниш җәһәттә ваксиниға қариғанда техиму йахши капаләтлик қилиду, дейәләймән» дегәнләрни қәйт қилди.
ваксининиң һәммә адәмгә охшаш нисбәттә үнүм көрсәтмәсликиниң мумкинликини билдүргән редфилид, маскиниң уни тоғра ишләткән һәммә кишини асасий җәһәттин қоғдайдиғанлиқини сөзлиригә илавә қилди.
