trampning küyoghli kushnér shahzade muhemmed bin salmangha bésim ishlitiwatamdu?

türkiye awazi radiyosi xewiri: amérika prézidénti donald trampning küyoghli we meslihetchisi jaréd kushnérning seudi erebistan weliehdi shahzade muhemmed bin salmangha bésim ishlitip, israiliye bilen ereb birleshme xelipiliki otturisidiki munasiwetlerni normallashturush kélishimining imzalash murasimigha qatnishishqa qistighanliqi ilgiri sürülmekte.

israiliyede chiqidighan «Yediot Ahronot» gézitining tor bétide élan qilinghan xewerlerde, «kushnér muhemmed bin salmangha bésim ishlitip, kéler ayda washingtonda imzalinishi mölcherliniwatqan israiliye-ereb birleshme xelipilikining normallishish kélishimi imzalash murasimigha qatnishishqa qistimaqta» dégen uchurlargha orun ajritildi.

kushnérning israiliye bilen ereb birleshme xelipiliki otturisidiki munasiwetni normallashturushtiki muweppeqiyitidin kéyin, amérikaning seudi erebistangha qaratqan bésimining bashlanghanliqi tekitlengen xewerde yene, «kushnér tirishchanliqlirini ereb birleshme xelipilikidin kéyin, seudi erebistanningmu israiliye bilen bolghan munasiwetni normallashturush kélishimi tüzüshige ayrishni xalaydu» déyildi.

xewerde körsitilishiche, seudi erebistan bash elchilirining bügünki ebuzebi ziyaritining israiliye heyitining ereb birleshme xelipilikidiki ziyariti bilen oxshash künge toghra kilishi, hemmining diqqitini tartiwatqan bolup, kushnérning bin salmanni bügün ereb birleshme xelipilikige yuqiri derijilik wekiller ömiki ewetishke qayil qilish üchün bir qisim yardemchiliri bilen mexsus xizmet ishligenliki bildürüldi.

seudi erebistanda israiliye bilen bolghan munasiwetke qarita pikir oxshimasliqliqliri barliqi otturigha qoyulghan xewerde yene, padishah salmanning bundaq bir qedemni tashlashqa qarshi chiqqanliqi, oghli salmanning bolsa, buninggha téximu ochuq ikenliki, lékin kushnérning teklipini téxiche qobul qilmighanliqi eskertilip, «qarimaqqa kushnér bilen bin salmanning munasiwiti, israiliye wekiller ömikini ebuzebige élip baridighan ayropilanning seudi erebistan hawa boshluqidin uchup ötüshige qoshulushqa seudi erebistanni maqul dégüzgendek qilidu» déyildi.

amérika prézidénti donald tramp 13 - awghust peyshenbe küni israiliye bilen ereb birleshme xelipilikining munasiwetlirini pütünley normallashturush üchün kélishim hasil qilghanliqini élan qilghan idi.

ereb birleshme xelipiliki 1979 - yili misir  we 1994 - yili iyordaniyedin kéyin, israiliye bilen normallishish kélishimi hasil qilghan üchinchi ereb döliti bolghan idi.