һамбургда бир парахоттин 1.5 тонна кокайин қолға чүшүрүлди
германийәниң һамбург портида бир парахоттин 1.5 тонна кокайин қолға чүшүрүлди.
1470301
түркийә авази радийоси хәвири: һамбург таможна идариси елан қилған байанатида, җәнубий америкидин йолға чиққан парахоттики бир контенерда 1.5 тонна кокайинниң қолға чүшүрүлгәнликини җәзмләштүрүп, буниң портта қолға чүшүрүлгән әң көп кокайин миқдари икәнлики билдүрди.
германийә таратқулирида базар қиммити 300 милйон йавро әтрапида болған бу зәһәрлик чекимликниң җәнубий америка дөлити гвийанадин «CMA CGM жан габриел» исимлиқ парахот билән һамбургқа кәлгәнлики вә полша арқилиқ пүтүн йавропаға тарқитиш пиланланғанлиқи хәвәр қилинди.
бултурму һамбург портида уругвайниң пайтәхти монтевидейодин йолға чиққан вә пурчақ йүкләнгән бир йүк парахотидин қәрәллик тәкшүрүш әснасида 4.5 тонна кокайин қолға чүшүрүлгән иди.
