җорҗ флойидни өлтүргән сақчи түнҗи қетим сотқа чиқирилди
америкада сақчиларниң зораванлиқи билән қаза қилған африқилиқ җорҗ флойид үчүн униң туғулған йери шималий каролина иштатида икки қетим җиназә мурасими өткүзүлгәндин кейин үчинчи қетимлиқ мурасим тексас иштатида өткүзүлди.
түркийә авази радийоси хәвири: түнүгүн әтигәндә һостонға елип келингән җорҗ флойидниң җиназиси «Fountain of Praise» черкавида 6 саәт буйичә зийарәткә ечиветилди.
флойидни хатирилимәкчи болған туғқанлири вә миңлиған кишиләр черкав алдида узун өчрәт шәкилләндүрди.
аммиға очуқ дәпнә мурасимиға тексас иштати валийси грег аббот саламәтлик мәсилисигә қаримастин чақлиқ орундуқ билән қатнашти вә флойидниң җәсәт сандуқиниң алдида һөрмәттә турди.
бүгүн аилисидикиләр үчүн мәхсус мурасим өткүзүлгәндин кейин, җорҗ флойид һостондики хатирә бағчиси қәбристанлиқида аниси ларкенйа флойидниң йениға дәпнә қилиниду.
бу арилиқта, җорҗ назарәткә елиш җәрйанида бойнини тизи билән бесип өлүмигә сәвәб болған сабиқ сақчи мәмури дерек чавин тунҗи қетим сотқа чиқирилди.
чаввин (44 йаш) миннесота оак бағчиси егизлики дөләт түрмисидин апелсин рәңлик кийим кийгән вә қоллири ишкәллик бир шәкилдә син улиниши арқилиқ сотқа қатнашти.
сотчи чаввинниң кепиллик пулини бир милйон 250 миң долларға чиқарди вә келәр қетимлиқ сот йиғинини 29 – ийунға кечиктүрди. ,
миннесота иштатида 5 -майда йүз бәргән вәқәдә, әсли африқилиқ америка пуқраси җорҗ флойид назарәткә елиниш әснасида «мән нәпәс алалмайватимән» дәп вақириған болсиму, әмма сақчи тизини униң бойнидин тартмиғачқа қаза қилған иди.
бу вәқә шуниңдин кейин америкиниң һәрқайси шәһәрлиридә кәң – көләмлик намайишларни кәлтүрүп чиқарған иди.
مۇناسىۋەتلىك خەۋەرلەر
нигерийәдә бир җамәдә партлаш йүз берип 11 адәм қаза қилди
нигерийәниң кано өлкисидики бир җамәдә йүз бәргән партлашта 11 адәм һайатидин айрилди.
